Samuel L. París

 

Nomeado por:

Xabier Xil Xardón

Andrea Nunes Brións

Celia Parra

Alba Méndez 

Nomea a:

Xulia Mintoni

 

Bio-bibliografía:

Samuel L. París (Muros, 1984). Exdefensa central da U.D. Campestre de Montrove, baixista do grupo de electrocumbia Terbutalina e autor material dos teitos. Obras publicadas até a data:

·         Onde ves unha améndoa hai exactamente unha améndoa (Laiovento, 2007)

·         Manual da destrución (A Regueifa NetLabel, 2008)

·         O poemario dos chícharos (Xerais, 2009)

·         Cicerón Vs. Garrincha: pirolas de medio metro (Toxosoutos, 2011)

·         Inflamable (Positivas, 2012)

 

Poética:

Na fraude, nas mentiras e diante dunha xerra chea de chícharos, somos once contra once e non hai rival, pequena.

 

Na rede:

O autor no Bandcamp

O autor no Twitter

 

Poemas:

Poemas extraídos de O poemario dos chícharos (Xerais, 2009) [Practicamente todos os dereitos reservados]

 

[…]

os chícharos armados

de paciencia

esgotando os segundos da primavera

que virá

 

 

entrefollear a luz

e a escuridade

mentres os chícharos

arrogantes

e

elegantes

esquecen

que podían esquecer

 

 

semanalmente

e anualmente

e diariamente

e os chícharos

 

 

os banqueiros

as mariscadoras

as militares

os policías

 

os chícharos

 

 

transgredir a hipnose

aprobada por maioría

na última edición

do brillo dos chícharos no abrir

do día

 

 

os chícharos non teñen mans

polo

que

os chícharos nunca tocarán

o ceo

coas mans

 

 

os chícharos

gardan

milleiros de chícharos

na súa alma

e non cren nos anxos

 

[…]

 

Son e vídeo do autor:

Vídeo 1

Audio 1

Audio 2