Manuel Pereira Valcárcel

 

 

 

 

 

 

Nomeado por:
Rafa Yáñez

Nomea a:
Begoña Regueiro Salgado

Bio-bibliografía:
Naceu en Ouzande-A Estrada en 1955.
Reside en Madrid onde traballa de mestre.
Nesta cidade, forma parte do grupo poético Bilbao, fundado en 1996.
LIBROS INDIVIDUAIS:
Poesía:

  • Poemas de cinza: edición do autor, Madrid, 1990.
  • Todo morte: Edicións Río Xuvia, Neda-A Coruña, 1998, reeditado en 2006 por Ediciós do Castro, Sada-A Coruña.
  • Rosa íntima: Espiral Maior, A Coruña, 2000.
  • Inventario de fragmentos: Libros da Frouma-Librería Follas Novas, Santiago de Compostela, 2001. Premio Rosalía de Castro, na modalidade de galego, da Casa de Galicia en Córdoba
  • Libro das viaxes: Litoral das Rías, Pontevedra, 2003.
  • Tatuaxes: Editorial Follas Novas, Santiago 2011.
  • Interior con froiteiro e feridas/Interior con frutero y heridas: Aqua, Zaragoza 2012.

Prosa:

  • Traxectos curtos: TresCTres, Santa Comba, 2005.
  • Días do final: Galaxia, Vigo, 2007.
  • Malas cartas: Biblos, Cesuras 2010.

LIBROS COLECTIVOS:
Poesía:

  • Coordinou, xunto con Vicente Araguas, a edición de En tránsito. Poesía galega en Madrid (Ediciós do Castro, O Castro-Sada, 2001).
  • Intifada: Fundación Araguaney, Santiago, 1989 e 2003.
  • Homenaxe a Miguel González Garcés: Deputación da Coruña, 1991.
  • XII Ruta Cicloturística del Románico: Fundación Rutas de Románico, Pontevedra,1994.
  • XIII Ruta Cicloturística del Románico: Fundación Rutas de Románico, Pontevedra,1995.
  • XIV Ruta Cicloturística del Románico: Fundación Rutas de Románico, Pontevedra,1996.
  • Comercial: Río Xuvia Edicións, Neda-A Coruña, 1998.
  • Muller de doce sal. Homenaxe a Inés Canosa: vtp, Madrid, 2000.
  • 47 poetas de hoxe cantan a  Curros Enríquez: Xerais, Vigo, 2001.
  • O trazo aberto: Deputación de Pontevedra, 2002.
  • 25 anos de poesía galega II: edición de Luciano Rodríguez, Biblioteca 120 de La Voz de Galicia, A Coruña, 2002.
  • Poesía Contemporánea Tabeirós-Terra de Montes Montes: Edicións Fervenza, A Estrada, 2005.
  • Homenaxe dos poetas galegos a Federico García Lorca contra a súa morte: edición de Xesús Alonso Montero, Pen Clube de Galicia, Santiago de Compostela, 2006.
  • Pontevedra Literaria: Concello de Pontevedra, 2007.
  • A Coruña á luz das letras: editorial Trifolium, Iñás-Oleiros –A Coruña, 2008.
  • Marés nos pousos do café. Mostra de poetas de expresión galega en Madrid: edición de Xavier Frías. Editorial El Taller del Poeta, Pontevedra, 2010.
  • Dairas: Edición IES García Barros, A Estrada, 2011.
  • A cidade na poesía galega do século XXI: edición de Gonzalo Vázquez. Editorial Toxosoutos, Noia, 2011.
  • Suave e preciso. Catálogo de Manuel Patinha: Deputación de Ourense, 2012.
  • Bilbao: Edición de Xavier Frías e Luis Luna. Editorial Amargord, Madrid, 2012.
  • Guía viva de ortodoxos y heterodoxos en la poesía contemporánea gallega. Apuntes para no disolverse en la común semilla del tiempo: Edición de Antonino Nieto Rodríguez. Editorial Endymión, Madrid, 2012.

Prosa:

  • Día de inverno: gañou a novena edición do premio de relatos Casa de Galicia en León, 1992.
  • Sobremesa: accésit no concurso Modesto R. Figueiredo, 1999. Ed. do Castro, 2001.
  • Día de praia: mención no concurso Modesto R. Figueiredo, 1999. Ed. do Castro, 2004.
  • Narrativa Contemporánea Tabeirós-Terra de Montes: Edicións Fervenza, A Estrada, 2005,
  • Cincenta: relato dentro do libro E Madrid foi unha praia de baleas entre néboas: grupo Bilbao. Editorial La Fábrica de Libros, Asturias, 2011.

Poética:
110
Escribir para gardar os recordos, e
que o tempo non leve máis que o seu.

(De Inventario de fragmentos, 2001)

Na rede:
O autor na “Galipedia”
O autor na “AELG”
O autor en “BVG”
O autor no “Caderno da crítica”
O “facebook” do autor
Máis do autor

Poemas:

Illa,
cercada polas ondas,
arrolada polo vento,
habitada polo misterio,
circundada pola xerfa.

Ti, illa sempre
das miñas noites sen sosego.

 (De Poemas de cinza, 1990)

o tempo é unha árbore
da que caen os días
cunha obsesión outonal

a vida, o tempo
poboado de paxaros

a morte é a árbore seca
da vida onde
aniñan paxaros mortos

(De Todo morte, 2006)

Ti e mais eu
Silencio
Diante nosa unha tarde de mar
Un vento salgado
acariciando os nosos rostros
Nos ollos a sombra dalgún recordo
e unha quietude verde
azul                       gris
E o desexo de amarnos
sempre
como nesta tarde de mar

(De Rosa íntima, 2000)

ÁMOTE
Con toda a razón.
Sen lendas nin fanatismos,
sen labirintos nin enxovais,
sen coiraza.

Coas mans,
coa risa e a señardade,
con raíces e dúbidas.
Con toda a razón.

(De Tatuaxes, 2011)

É verdade que non chegamos tan lonxe
como as nosas aspiracións.
É verdade que o tempo vai moi á présa.
É verdade que é difícil atopar a senda que non mente.
É verdade que non se regala a alegría.
Pero o destino non está escrito.
Nin son débiles as flores.
Nin os soños fume.
Nin o fracaso alleo aos heroes.

(De Interior con froiteiro e feridas, 2012)

Vídeo, son, imaxes, +:

O autor no “YouTube”

Antía Otero

 

Nomeada por:

Marta Dacosta

Rosa Enríquez

Celia Parra

Eva Méndez do Roxo

Nomea a:

Olalla Cociña

Gonzalo Hermo

Roi Vidal

Dores Tembrás

Estevo Creus

Alicia Fernández

Daniel Salgado

 

Bio-bibliografía:

Antía Otero é escritora, creadora e actriz. Tras licenciarse en Historia da Arte pola USC, realizar un Máster en Historia e Estética do Cinema e formarse artísticamente na Escola de teatro e danza Espazoaberto, decide adicarse á creación escénica movéndose nun código entendido a partir da hibridación de diferentes disciplinas artísticas e creando propostas personais con textos propios.

 

Dende moi nova estivo en relación coa literatura mostrando o seu interese fundamentalmente pola poesía e o seu diálogo con outras artes. Tras gañar algún premio inicial (co seu poemario De porta un horizonte resultou gañadora do VII Certame Francisco Añón de Poesía do Concello de Serra de Outes ), publica no 2003 o seu primeiro libro individual O Son da Xordeira na Editorial Espiral Maior e no 2010 (Retro)Visor en Edicións Xerais de Galicia.

 

Outras publicacións en revistas e edicións colectivas nas que aparece:

Poetízate. Antoloxía da Poesía galega.

Elas 5. Antoloxía Poética.

Polifonías. Voces poéticas contra a violencia de xénero

InfoXove

Escrita Contemporánea.AELG.

Negra sombra. Intervención poética contra a marea negra.

Sempre Mar. Plataforma Burla Negra.

Xela Arias. quedas en nós.

Poesía Contemporánea Tabeirós-Terra de Montes.

 

Na actualidade cursa o Máster en Práctica Escénica e Cultura Visual de Artea, Universidade de Alcalá, Reina sofía e Matadero e ven de estrear (Retro)visor, un traballo escénico de perfopoesía acompañada do músico Isaac Garabatos.

 

Dirixe varios obradoiros de creación literaria na Coruña, cidade onde vive.

 

Poética:

Poesía é a memoria das mans. O cuspe que a miña avoa bota nelas antes de coller a gadaña.

 

Na rede:

Web da autora

A autora na “Galipedia”

A autora na “AELG”

A autora en “Cultura Galega”

A autora no AVG

O “facebook” da autora

O “Twitter” da autora

 

Poemas:

Textos tirados de (Retro)visor, Xerais 2010

 

 

( http://www.xerais.es/libro.php?id=2071552 )

 

 

 

Como nunca cambiei a cor do pelo

 

chamádesme Natural

 

 

 

– se nunca decidín tunearme

 

só foi pola falta de cartos –

 

 

 

 

 

 

En cada quilómetro

 

pensei nas costelas de Egon

 

nos ocos da carne

 

na carta que lía sentado na cama do cárcere

 

baixo a luz da fiestra

 

 

 

reparei na multitude de libros que lle quedaban por ler

 

e nas marcas das follas

 

 

 

Nunca viaxei a Tokio

 

 

 

O máis preto que estiven da cidade

 

foi o día que me convidaches a comer sushi

 

e un becho entroume polo estómago

 

 

 

Aniñou en min

 

 

e ti sen saber

 

que cada noite dorme no meu fígado

 

bébedo de sake

 

que calceta con paus de madeira

 

xerseis para a colonia

 

como se na familia fósemos tantos

 

 

ou tivésemos frío

 

 

….

 

 

No fondo sabía que tanta road-moviepodía matar

 

pero nunca estimeia ameaza

 

Vídeo, son, imaxes, +:

A autora no “YouTube”

A autora no “Vimeo”

entrevista antía otero from Antía Otero on Vimeo.

Corporal (je t_aime) AGORA. A Coruña from Antía Otero on Vimeo.

A autora na “axendaaelg”